أرسلت من حفلها صورةْ وقالتْ
مثل هـذا السِحْر تتعب مـا تلاقي
لو عيونك شمس بالأكوان جالت
مرجعك صدري ومطلوبك عناقي
حتى لـو زعلان مـن صايع ومالَت
صـورتي في شاشـة الجوال واقي
حتى لو زادت تناهيدك وسالت
دمعتك بالخد من ساعة فراقي
كلمة من محبوبتك وتقول طالت
غيبتك يا مَنْ لِحُزنِ القلب راقي
رجعتي بينك وبين الغيد حالت
عودتي تكفيك عن باقي البواقي
مَنْ مِنَ النجمات في دنياك نالت
جـزء مما لـي وأعطتَك إشتياقي
من لها قلبك؟ وبالعينين شالت
كل تفكيرك وصارت من رِفاقي
أيُّهُم في غيبتي جالت وصالت
واْبتدت أحلامها تدْخُل نِطاقي
يا حبيبي أنت عارف لـو تعالت
نبرتي وقت الزعل ‘عهدي وِثاقي’
يا حبيبي دمعتي بالخـدِّ قالت
لا تـعـذبـني وتـرضى باختنـاقي
نار في صدري من الغيرة توالت
من حروفك عندها ‘أنتِ انطلاقي’
يا حبيبي كل من للعشق مالت
من حروفك عندها تطلب لحاقي
وانت عند النون والنسوة تِفَالَتْ
بالمشاعر والشِّعِرْ تِسري تِساقي
واستعارت دمعة للتمساح سالت
تحسب الدمعة بها يغرق رِواقي
قلت سيري بعدما غيبتك طالت
عِقْوَتِكْ ضاعت كما ضاعت رِباقي
