……………………
يا صاحبي ما كل الأصحاب وافين
ولا كل صاحب دايم الطيب مبداه
أصحابنا عند النوايب قليلين
ووقت الرخا ياكثر الأصحاب كثراه
لن أغلب الأصحاب ماشي بوجهين
وهذا الذي شفناه وإللي لمسناه
فليا بغيت الشور رافق هل الدين
وراعي الوفى والطيب دايم تنقاه
لن الوفي تلقاه بالعسر.. واللين
جاهز على يمناك من قبل تنخاه
أما ابو وجهين بافراحك يبين
ولا حافتك دنياك ما عاد تلقاه
والصحبة لو كانوا معك فوق ألفين
ما تلقى بالشدة سوى إللي ذكرناه
فأحرص على من تصحبه وادرسه زين
وإختار لك صاحب سليمة نواياه
من قبل لا تنغر في صاحبٍ شين
وتندم على صحبة رديٍ…وصفناه
……………..
