دنياك ماتوقف

شعر – حسن بن قاسم القحل :- 

لاتعاتب اخوانك ولا تكون شكاي
ولا تتدور وتبحث على كل زله

لاتنقد المقفي وتشره على الجاي
ومن جاك رحبه ومن راح خله

إللي يقلك هاي قله بعد هاي
وإللي يقلك باي .. باي باي قله

لاتفتح آذانك لناقل ووشاي
وخلي حجاجك دايما مسفهله

ولا ترمي الهرجه معا كل رماي
واحفظ لسانك عن هروج مخله

دنياك ماتوقف على رايح وجاي
وما توقف الدنيا على شخص لله

كل(ن)بها الدنيا وله شور(ن) ورآي
وكل(ن)وله نهج(ن) ودين(ن) ومله

أدمح خطا المخطي ولاني بنساي
ومع السفيه اجلس وانا فاطن له

هرج القفا ما ضرني هرج بقفاي
ولا زادني مادح مدحني بمحله

واللي استغله طيبتي معه ووفاي
أرفع مقامي عنه ما استغله

وما دامني حي (ن) وعايش بدنياي
فأنا بخير وفضل والحمد لله