ميل عليا الصبر
✍️سلمى حسن :
ميل عليا الصبر قالى كلمتين
مسحت بيهم الدمعتين
نفضت بيهم غبار اللممين
مشينا سوا ومشيوا مع اللعين
عافيه زى بلدى وجذري متين
يا ما عدت علينا رياح الخماسين
وفوق الدماغ طبلت ملايين
لا يقدر علينا شقي شبع من يومين
ولا مصلحجي يجى بلقمتين
عرفتنا الشده النصاب
وأبو بوقين عليا ومعايا
زى الشحاتين
ضحكت وشوفتهم بالوش المليح
لا جايه فى مصالح ولا مع التلقيح
أصلي غالب وعلى الوش صريح
عافيه زي بلدى وجذري متين
لا ميلت مع جعان
ولا شبعت بعد سنين
ضحكلي الجبر وقالى سبيك
من ابو قرشين
مش قلت لك هاتحلي وتعلا
مهما مالت لابو جنيهين
أللي نبته شيطانى
شبه الوحل والطين
عمره ما ينضف
ولو غرقته بالملايين
وال زيك شمس ووتد
يعمي قلوب الجعانين
جات لك اهيه برب العالمين
هو حد ضعيف وحبيبه سيد المرسلين
ضحك الصبر
ومدد معانا الجبر لآخر السنين.
