” الستر هتكاتو بيوض “
الشاعر بونجار محمد المدعو محمد شماريخ
/عين الدفلى / الجزائر
واسيني و لا نواسيك آ لعرج
في ذ الوقت اللي الباطل دار ذراع
وقت العمية اتربعت مور المنسج
و الستر اللي كان دارڨ دار اشعاع
هتكاتو بيوض وآجي تتفرج
ماخور التغريب بالفتوة تباع
راهم معروضين يدوهم للحج
قبلتهم باريس و الليكود انطاع
في ظني ياجوج راه اليوم اخرج
كيما مفدي ڨال بعد اتفسخ ماع -1-
اذا سلت علاه تتسمى لعوج
انكشاري فيك بذرة م القعقاع
مازالك اقديم بالدين اتحجج
باغي تحيي ورث جدك بعدن ضاع
ثوب و الحشمة و الحيا راه اتبرج
و اللي عمت خافة و انڨولو باع
بورايو و ارباعتو تبعو منهج
صورتهم تزيان في كف التطباع
و الدكتورة لاهية كي قال افرج -2-
ربي حن عليك و اخرجتي م الڨاع
حبة كانت فاسدة . صندوڨ اخمج
ثقافة كرموس في عهد الدلاع
شماريخ . الأن .
-1-اشارة الى نص مفدي زكرياء من الالياذة
تفسخ هذا الشباب و ماع
و خرب اخلاقه و تداعى
فويل الجزائر جيلا فجيل
اذا أئتمن الشعب فيه الضباعا
-2-اشارة الى المثل الشعبي
ربي حن على فرج م الحوية عشى بالسرج
