صد وحنين

✍️هاشم بن علي الكاف :

قلت احبك كثر ماعاش الحنين
كل جرحٍ في هوى حبّك يهون

أعشقك اهواك يا اغلى ضنين
ياهوى قلبي وروحي والشجون

المسافة بُعد والفرقا حنين
مالنا غير التوّجد بالعيون

مانسيتك لو تغيّبك السنين
من غلاك اللي بلغ حد الجنون

والله ان القلب في ودّك رهين
ياعديل الروح خلك لي حنون

بقربك الدنيا ترى بعيني تزين
ضمني مابين قلبك والجفون

ايه احبك حب يا احلى وتين
ساقني حبك إلى حد الجنون

الغلا يبقى على طول السنين
مالكاً قلبي على روحي تمون

ما بقى في الخاطر إلا كلمتين
في غير حبي لك أنا مالي شؤون