دكتورة لبني يونس تكتب “الأن” بنتي يا جزء مني
بنتي يا جزء مني
وحتة من قلبي
أعذريني في إنفعالي
أو حتي صوتي يكون عالي
من شدة الخوف عليكي
من الدنيا ومن الأيام ويارب ماتشوفي أبدًا في حياتك أحزان ….
أصلهم مالهمش يا نن عيوني أمان وأنتي مالكيش خبرة وماتعرفيش لسه غدر الناس و أن البشر ألوان…
سامحيني وبكرة العمر بيا يخلص،،، من قلبك إدعيلي
وإفتكري حبي وحناني ليكي وهاتعذريني أن دراعاتي وحضني بتحوط عليكي وبين ضلوعي يابنت روحي وقلبي بخبيكي
حروف اسمك تشبهني وفيكي ملامح
من رسمي
وبشوف في عيونك مرايتي
ونظرة من قلبي ليكي بنسي فيها شقايا و تعبي
ويوم القيامة من رحمة ربنا هايندوكي باسمي
دكتورة لبني يونس
