يــــا دنيا
الشاعر ملكي محمد / الجزائر
تبعتك يادنيـــــــا عطيتيني بڨفاك
وصديتي عنــــي بأيامك مُـــــــرَّة
قلت ندير الراي نديرو نا ويــــــاك
لقيتك سوسة فــــي حبة تمـــــرة
حتى بذاك القلــــب لقيتــو يهواك
وما شاور مولاه في هــذي المــرة
ماحسبتك هاك قلـــت انا نلقــــاك
وكنت نتخيل فيك ق جنة خضرة
فانية قاع ما غلط مـــــــن سمـاك
ومن شاوك انت ياسر ق حيـــــرة
رابح من طلق وعـــــول ينســــاك
وأجراحو ثاني مــن همك تبــــرى
ماني طامع فيـــــــك نا مانستناك
يجي منك خير وهمومـــــك كثرة
ياقلبي ق قول واش لـي خـــــلاك
اتبع طريقها وتنــــــدم ياحصــــرا
يا قلبي ق قول نا نوقــــــف معاك
صارحني بالله فـي ذي الخطــــرة
تبعـــــت رايها رشانــــــي ورشـاك
كشافت لعيوب مافيـــــها ستـــرة
يا دنيا وعلاه نا ماحسبتك هــــاك
وطريقك حرشة مليانة حجــــــرة
ولي غافل قال يا زينة محتــــــاك
متهور مسكين طايح فــــي ڨفـرة
ضيقة انت يندم قاع مــن جــــاك
ضايق بيه الحال وطريقـو عثـــرة
ذرك خلاص نا ماعـــدت نهـــــواك
جربت وشفت وديــــــت العبـــرة
صرش ليا يا قلبي وحالها بكــــاك
مثل الشجرة قاع ماجابت ثمـــرة
كونك فاهم وخلي لـي خــــــــلاك
ياقلبي وعلاه اتبــع ذي الجــــــرة
ذرك خــــلاص يا دنيــا ننســـــــاك
يبرد قلبي عنك وتطفى الجمــــرة
