حلم صغير ..
منى البابوري / تونس
كان حلم صغير
و جاله الوقت عشان يكبر
فيه كل اماني العمر
و احلامي الي ساعات بتتأخر
حلم اترسم على شكل حروف
بين احاسيس القوة و الخوف
بين الضحكة الي من القلب
و بين احساس تاني مش مؤلوف
حلم حلمته و انا نايم و انا صاحي
و كان بشويش بيرسمها في جراحي
و يعمل نفسه بصيص امل
لما يشوفني مليت بالحزن براحي
برغم ان حلم صغير و بريء
الا انه كمل معاي اصعب طريق
و لسة في دروب تانية هنمشيها
بإحساس جوانا صادق و عميق
في ناس مناها أبقى ذكرى
و ناس خلتني أحلم ببكرة
بس حلمي جردني من كل خوف
و خلاني أشوف الحياة بألف فكرة
الحياة فيها النجاح زي ما فيها الفشل
ناس تدوس عليك لحد ما حلمك يتقتل
و ناس تانية شافت جواك أجمد بطل
و برغم كل دا حلمي الصغير
بقى زي البدر الي اكتمل
