ذكرى 11 ديسمبر
الشاعر جمعي عبد اللطيف / الجزائر
جبل الونشريس عودلي لخبار
حضنك دافي كان للي رجالة
قاسيتو لثنين امحاين كبار
قررتو لثنين تنهو المسالة
أنت ليهم عون وقت الأستعمار
ومحاوطهم كي الأم الدلالة
اذا طول حد ماشفتو تحتار
يسدي عنك غيم مطرو هوطالة
شهداء قضاو من ذا العمر أعبار
الله أكبر كان منك تتعالى
صوت حناجرهم يخاف إلي كفار
ويولي مرعوب خلى الفرتالة
قاسى وطني مالمحاين وسط النار
لكن يد الله ڨالتلو لالا
ماذا دات فرنسا من ذيك الدار
قتلت سلبت مات من وطني حالة
عانينا سنين في سابق لدهار
بيجار وماسو جناير جهالة
نقضو على البسمة في ليلو ونهار
نحرمهم مالنوم نديرو شعالة
حتى يڨولو فرنسا فيفا نختار
ويسمحو فالدين يعودو عوقالة
لكن كي شافو البسمة من لطيار
بن مهيدي كي تبسم وتعالى
عميروش العقيد خلاها تحتار
شريط لزهر غدات عنو سوالة
لطفي والحواس ومعاهم لخيار
وكذا من رجال دماهم سيالة
سقاوك بالدم والمسك ولزهار
وأسماهم منقوش كل واحد دالة
جرحك راه عميق ياوطني بالثار
خلفوه الأبطال بأذنو تعالى
وأنت شامخ ياونشريس بلا تفخار
بلادي تفخر بيك مهد البوطالة
قرت عينك بالشهداء زدت أنوار
شاهد للأبطال حجرك يتلالى
هذي بلادي نحبها ونڨول اجهار
الجزائر تغنات بيها ڨوالة
العقيد أكتب من حبو لسطار
ترخس روحي عليك وطن العدالة
