شوف ياسيدي

✍️ د. لبني يونس :

انا بيك من غيرك عايشة والحياة من غيرك مش واحشة اوي واهي ماشيه

كنت فاكر نفسك اخر نسخة
اتاريك كوبي لالف نسخة

انا بيك من غيرك عايشة والحياة حلوة وماشية

اتاري محاولة ارضاءك طول الوقت كان هم وتناكت اهلك عليا كان مخليها سودة و غم …..

وعلي ايه ده كلة
وعلي أية ده كلة واحنا مسيرنا في يوم هانموت وكلة رايح ياعم بلا هم……..

دنا كنت بدلع واهني وادادي وانت البعيد ماعندكش ريحة الدم

الحمدلله اني اتغيرت وفي بعدك عني للحقيقة الغايبه فهمت …..

فهمت انك حلانجي وبتاع كلام ووقت الجد فكك مني ياعم بلاش اوهام …..

انا بيك من غيرك عايشة
ومسيرها في يوم وهموت
وذكرياتي الصعبه معاك هانساها والايام بيك من غيرك هاتفوت

والشمس كل يوم بتطلع وتنور مكاني
والقمر بيجيله وقت ويختفي لكن بيرجع و ينور من تاني …..

وعلي صوت الست ام كلثوم وقهوتي بسمع احلي اغاني

وخراب يا دنيا وعمار يا دماغي …

دنتا كنت هم وغم والبعيد ماكنش عندك دم ……