وصل أمانة للحب ….
✍ د.لبني يونس :
نعم وصل أمانة
يعاقب علي تبديده قانون القلب….
وصل امانه للمشاعر
زي ما اديتك مشاعر اديني المقابل …
زي ما اديتك سكينة وامان اديني انت كمان الحب باحترام واديني الحنان
وصل امانه نمضي عليه أن الحب بالحب والصدق بالصدق
والعطاء بالعطاء
مش واحد يدي والتاني يستغل وياخد مننا ويستقل
اديتك قلبي ومشاعري كانوا عندك
امانه …..
لما ترحل ردلي اللي اخدت….
وصل أمانة يحفظ الحب والود ووقت الرحيل ما يظلمش حد
ياريت يكون في الحب وصل أمانة لناس في العشق ماعندهاش ضمير ولا تعرف يعني ايه امانه …
خدت قلبي ومشاعري وسنين جميله من عمري ومشيت …
خدت جدعتني ووقفتي جمبك في ضعفك وثقتي فيك ومشيت ….
اللي زيك للأسف ماعندوش امانه
وعشان اللي زيك لازم للحب يتعمل وصل الامانه
