عيب …..

الدكتورة :لبنى يونس 

اين قانون العيب ؟؟؟
كان زمان عيب واحد يعاكس أخت صاحبه
كان زمان عيب واحدة تروح لصاحبتها وجوزها موجود
كان زمان لما حد يزور صاحبه يرن الجرس عند أول السلم
عشان عيب يكشف بيت صاحبه
كان زمان عيب الأخت تبات عند اختها المتجوزة
كان زمان عيب نبقى قاعدين وأبو صاحبنا معدى
كان زمان عيب ترفع عينك فى جارتك
كان زمان عيب تعمل غلط لانك كنت بتخاف ربنا
كان زمان مكتش حد بيزعل حد الا أما يصالحه ويكلمه
كان زمان مفيش مقاطعة صلة رحم والكل بيحب بعض
كان زمان لما تحصل مشكلة الكل يكبر للكبير
كان زمان عيب تجيب سيرة حد فى غيابه
كان زمان عيب تفتح التلفزيون لما حد يموت
كان زمان الأب والأم بيربو صح انما دلوقتي لاء
كان زمان الناس عندها أخلاق ومبادئ وأصول 🌹
انعدمت الأخلاق فاشتد البلاء🖤
أستغفر الله وأتوب إليه
وعلى الدنيا السلام 👋 .

تحياتي🌹🌹. دكتورة لبني يونس