أوعي تكوني ضعيفة

✍ د.لبنى يونس : 

النضج انك تعرفي أن معظم المواقف في الحياة مش محتاجة ردود أفعال وان أشد أنواع الظلم أن الظالم يعيش دور الضحية
ماتسبيش حد يوهمك انك غلطانه وانتي صاحبة حق
ومش كل ابتعاد تخلي
في ابتعاد راحة وعزلة من الضغوط
والاحتياج طاقة سلبية اوعي تورى حد انك محتاجه له حايمشي
واصعب المعارك النفسية هي اللي بتدور بين عقلك اللي فاهم وقلبك اللي رافض يصدق
مهما كانت مشاعرك ماتخليهاش تشتاق لحد مرتاح من غيرك
ماترحبيش باللي يقلل منك وماتستحمليش اللي بيستغلك
اتحكمي في علاقاتك واختاري مين هايبقا ومين هاينتهي
الطيبين صفاتهم ما بتتغيرش حتي لو ظروفهم اتغيرت
اعرفي الناس علي حقيقتهم من مواقفهم .
في اتنين بيهتموا بتفاصيلك وتفاصيل حياتك اللي بيحبك واللي بيحقد عليكي
خلي بالك بتحكي لمين في ناس بتتفنن في نقد الأخريين ولو بصيتي علي حالهم هاتحتاري تبتدبدي منين
ابعدي عنهم واتمسكي بالناس اللي فاهمة أن عصبيتك مش طبع وحزنك مش نكد وخليكي مع الناس اللي فاهمه انك انسانه وليكي مشاعر
ومن أسواء انواع البخل هو البخيل في المشاعر العدي عن البخيل وخليكي عارفه انك مستحيل تغيري حد من جواه مش عايز يتغير
ما تضيعيش وقتك وخليكي فاهمه أن في فرق بين انك تكوني حساسة وانك تكوني ضعيفة
الحساسيه هي خوفك علي مشاعر الناس
والضعف خوفك من كلام الناس
اوعي تكوني ضعيفة.