(بلاش ياقلبي)

✍مرشده يوسف فلمبان :

بلاش أرجوك ياقلبي.. بلاش وفكر. وانت ناوي تحب في اللي فاتوك.. في بحر اللهفة والعوزه بسرعه سابوك في لحظه باعوك.
بلاش ياقلبي تركب في خيل العند..
وانت عن الدموع منعوك.. وف ليل الألم زرعوك..
وبخنجر أسى مزعوك..
عشان خاطري.. عشان خاطر كل اللي حبوك.. بلاش تحدفنا جوى البحر من الأول..
بلاش تحتار.. بلاش ترميني في النار..
بلاش ياقلبي أحلف لك.. حاتتعبني..
تدور في مدار مالوش أول ولا آخر..
بلاش توصلني للحظة ماتواسينا فيها كل إيد.
خلاص ياقلبي.. بالرخص الرخيص جدََا في لحظه باعوك..