لا تهوى ولا تقرب
✍ حسن القحل :
على جمر الغضى
ولهاااان اتقلب
وإنته للأسف لاهي
وتاركني وناسيني
حقيقة ضاق بي صدري
من إسلوبك وكم أعجب
إذا كان الهوى عندك
تلاعب لا تعنيني
وخل العشق لاصحابة
ولا تهوى ولا تقرب
ولا تقتل نبض قلبي
وتلعب في موازيني
ما دام إنك تجرعني
مرارة كاسك وتلعب
على روحي وعلى اعصابي
وتستكثر تواسيني
إذا كان الهوى عندك
تلاعب ويش هو المطلب
تعلقني بهوى كاذب
وتحرقني وتكويني
خلاص إبعد وأنا إبعد
مبي حبك ولا ارغب
كفاني منك ما ذقته
وضيعة عمري وسنيني
صحيح إن المفارق شين
ولكن الكذب أصعب
بقانون الهوى والحب
وما قد راااح يكفيني
حسافة عمر ضيعته
بلا جدوى ولا مطلب
وقصة وهم عشناها
سوالف بينك وبيني
عطيتك فية ما تبغي
سقيتك كاسي الاعذب
وكنت لصوتكم اطرب
وكنت الصادق المعجب
وبه سلمتلك روحي
تبعثرني وتطويني
