الجرح الجديد
✒️ هاشم على الكاف :
يا اعذب الآهات يالجرح الجديد
صار شوفك صعب و وصالك محال
مُنيتي قربك واحضـــــــانك اريد
يابعيد الوصــــــل يا نبع الدلال
ساكن بدمّي وتجري في الوريد
استمع قلبي ينادي لك تعال
ودّي تبقى دوم يا حبّي سعيد
قدرك بروحي مكانه لا يزال
ضمني بالصوت دام انك بعيد
والتقي بي فوق لمحات الخيال
مكتفيبك وانت في قلبي الوحيد
يا فريد الطبع يا باهي الجمال
قلبك القاسِي غدى مثل الحديد
ودي اعرف ليش حيرني السؤال
كل ما اشوفك نبض قلبي يزيد
مستحيل انساك نسيانك محال
