درر الشعر….
لوحة شعرية تميزت بروعة التصوير وقوة التعبير رسمها شعرا وجسدها مشاعرا وطوع مفرداتها بتمكن وتميز الزميل الشاعر القدير سعد بن زمانان – معد ومقدم برنامج ديوانية الشعراء بتلفزيون الكويت- وأهداها -مشكورا- إلى أعضاء (نخبة الشموخ وتحمل هذه اللوحة عنوان (الجرح القديم ) :
شفتها صدفة وأنا اللي ماهقيت
ألتقي فيها بعد ما مر عام
نقّضت جرحٍ قديمٍ وإكتويت
بيني ومابينها ود ووئام
شفتها في وسط ناس ولابغيت
أحرج المجمول من بين الأنام
وإنظرت لي ماحكت لي ولا حكيت
تعني النظرات مضمون السلام
وأقفت وقفّيت وأنا مارتويت
أرتوي من شوفها وعذب الكلام
هرجها يفرح خفوقي وإنتشيت
مثل فرح الأرض في وبل الغمام
قبل أواجها وأنا كنّي هديت
من ألآمي وزادت ألآمي ألآم
ماقويت البعد والله ماقويت
الفؤاد اللي عشقها مايلام
ياشروقٍ شع صبحٍ لابديت
ياضواء النور من بدر التمام
مخفيٍ جرحي ولايومٍ شكيت
غاليه بالحيل ياظبي العدام
لو أسولف لو أبأضحك ماسليت
كم أعاني منك ياجرح الغرام
كم تحملت وتألمت وشقيت
عاشقك يوليك جل الإهتمام
ويازماني ماإبتسمت ولاصفيت
في عيوني دايمٍ جوّك كتام
*سعد بن زمانان*
