لا تتركوني بليّاه
سلام له قيمه ومعناه راقي
لا مرّته عين الوفي ماتعداه
تذرف من احساس القلوب النواقي
دمعٍ هماليله تزاحم في مجراه
حتى يحلّ من الامور الوثاقي
اللي على بعد المسافه ربطناه
والا يزاح رواق دون الرواقي
ويشاف وصلٍ بالمقاطع حجبناه
لو انشد الحضّار واهل السواقي
عن العمر لا راح واقفت مطاياه
مع صاحبٍ مدري عنه حي باقي
على العهد ما غيّر الوقت مبداه
يشتال شوقٍ لي وزان اشتياقي
عليه من باب العدل والمساواه
والا غدى بين الجفى والفراقي
يكتب جوابه لي ويعود يمحاه
مدري يبي الميعاد يوم التلاقي
في موعدٍ كل المخاليق تخشاه
ياهل القلوب اللي تحب الوفاقي
دخيلكم لا تتركوني بليّاه
#محمود_الصبحي
