عاوز أسقيك م المر كاسات

بقلم: جيلاني أنور

عاوز أسقيك م المر كاسات
نفسي تعيش اليأس ساعات
أتمنى تشوف القهر ثواني
وإل شوفته تشوفه من تاني
احصد يللا ثمار ما زرعت
شوف بعينيك آثار ما صنعت
لما أديلك طيبة وحنان
وتعيشني في نار بركان
لما أوفيلك وإنت بعيد
وإنت مشاعرك صخر جليد
لما في ليلي أفكر فيك
لما أسعى إني أراضيك
وإنت ناسيني وإنت بايعني
مِطَلَّع عيني وِمْضَيٍعني
خسارة أضيّع عمري معاك
أحسن حاجة إني أنساك
وأنا هأنساك