يسعد مساكم ياهل الشعر والذوق
يا أهل القوافي الطيبات الجزيله
وياصح ما قلتوا لسان ومنطوق
وصحت جسومٍ من مرضها عليله
حبيت أشارك بالشعر وادخل السوق
وخيلي على المضمار بيشد حيله
لأني بنا السابق.. ولأني بمسبوق
وإن زادوا الشعار… بازيد كيله
وكلٍ يجر لحون والطاق مطبوق
وكلٍ على ما قيل… ولع فتيله
ياوجد حالي وجد من حب مخلوق
يسعى لكسب رضاه واااعزتي له
لجله تعلق بالوطن سهل وعروق
ومن أجل عينه مكرمن له قبيله
قام يتهيض ساجع بكل طاروق
ويقول ياهل الصوت منهو يشيله
يشكي الحنين وبالصدر رعد وبروق
والرجل لا من حب تسمع صهيله
الحب مثل الشهد بالطعم والذوق
ومنهو سكن بالقلب غصب تعنيله
ولا شك بإن الناس تمتاز بفروق
والكل له رآيه.. وقلبه دليله
هذي قوافي بالرسن سقتها سوق
للصاحب إللي.. ما ندور بديله
ويسعد مساكم ياهل الشعر والذوق
يا هل الوفا والطيب وأهل الجميلة
…………
