المسا في غيبتك
ماهو مسا
والشوارع حفها
صمت حزين
يا دفا روحي
ويا برد الشتا
ياسكون الليل
في قلب السجين
يا أمل عمري
ويا حلم إختفا
وين أنا بالقاك
يا سري الدفين
ذاب شمع الليل
والنور إنطفا
واظلمت دنياي
والوقع حزين
ما عرفت المر
ولوعات الجفا
لين غبتي في
متاهات السنين
عقرب الساعة
بروحي يعصفا
وصوت دقاته
لها بصمتي طنين
من رحلتي ورحتي
جوي ما صفا
ولحظة الفرقا
لها بروحي أنين
وكل جرحٍ
في خفوقي يعزفا
داخل إحساسي
على لحن الحنين
إيييه يانزفي
وجرحي والشفا
منتظر ولهان
إمتى ترجعين
