الشيب ماهو عيب يا بنت الأجواد
والعشق ما يعرف شبابـي وشايب
اللـي يشـوف الـزيـن للـزيـن ينقاد
والنـفـس تـهـوى بـارزات التـرايـب
هرجك طرق سمعي على غير ميعاد
عـارف مـرادك بـس مسـعاك خايب
الـروح تسـكـنها رشـا غصب تنصاد
مِن بعدها قلبـي عـن الغيد طايب
ياما حرمنـي النـوم والشـوق يزداد
ويا كم ترك قلبـي من الوجد ذايب
وياما ذرفت الدمـع مـن هجر وبعاد
يجـري على خـدي كوبل السحايب
أشكـي تجاوبنـي مع الوقت تعتاد
القلب ينسى مـن عـن العين غايب
بينـي وبينَـك والهـوى عـيـد ميـلاد
فـي العـام مـرَّة نحتفـل كـالقرايب
قـصَّـة هـوانـا زادت القلـب إجـهـاد
عـاشـق أصـيـلـة مـا عليها شـوايب
ضـايـع رسـنها مـا لـهـا قـيـد وَقْـيـاد
أعـنـد عـنـيـدة للهـوى والحـبـايـب
واشهد لها في كل من ينطق الضاد
مـا غـيـرهـا أعطيت قـلـبـي نهايب
تـعـرف متى تصـطـاد قلبـي وترتاد
روحـي وتروينـي سـراب الرغايب
ما مِن أمل فـي وصـلها يـوم ينعاد
ولا من أمل ينسى فؤادي الحبايب
