ركابين الخيل فرسانوا ڨلال
كتسرج الملجوم تحسـوا عياد
مداحين لقصيد خيار الرجال
الڨلب البارد يحيا ميولي جماد
لڨالوا كلمة كون تتڨارن لجبال
صادقة كلمتهم ماهي كيف رماد
ولد الصحرا طبعوا حشمة ودلال
هذا الڨول عليه همة وعناد
الصيل المعروف تعرفوا ڨوال
أهل الكرم والجود يبانوا لسياد
ترجعني للماضي نڨلك موحال
وينكم ناس بكري حرمة لبلاد
معرفناش الصح راني بيه نسال
ڨولت ڨال راحت في زف الواد
درڨوا حباب الڨلب سلبوا عقال
ضيمي دخلاني تفكرت ذوك لعباد
عرش ولاد عمر وجنايحية لبطال
لضحاو بالنفس بـ حربة وزناد
ياسيدي ربي وخفف ذي لثقال
طفي نار الحرڨة لصابت لعضاد
وطني وطني وعلامـك متعال
في الڨشوش ساكن ميصيدك صياد
خديجة سويفـي لكتبت لقوال
من سيدي خالد راهي بنت أجـواد
نختم كلامي على خاتم لرسال
رسول الأمة يشهد يوم الميعاد
سيدنا محمد صـلاة بيها تنـال
نورو ساكن ڨلبي وصحابوا لمجاد
