قالو ليا كلام
الشاعر يوسف كرعي _ الأغواط / الجزائر
.ڤالو ليا كلام ونا ڤلتلهم
ودخلنا في ايه وعلاه ولا لا
ڨلتلهم النفي لمثالي ارحم
خير من السكوت على المكر قبالة
من هم التعليم رآه القلب تغم
ڨولولي ياناس وين رجالة
وين لي كانوا يطاكو بلقم
في عهد الظُلام و لي دخالة
ولي عالي صيتهم بين الأمم
شرفهم تكليف حمل رسالة
سلك الفضة اليوم معاد يقاوم
والحلفة دايرة سلاسل ولوالة
داروها ديكور للفيل نايم
وحفظ ياربي نهار الشعالة
ڨالوا ليا كلام وانا ڨلتلهم
ودخلنا في ايه وعلاه لا لا
ڨالوا معليم ڨلتلهم انعم
انا هو ذاك سيد رجالة
أنا لي إسمي يشتق من علم
وبفكاري ذابو افكار جهالة
انا لي مني سبورة تحشم
وبكلامي سالو دموع سيالة
انايا مصباح في كون مظلم
مابين مصابيح تثقب شعالة
انا بمثالي أمة تتقدم
و بجهل أمة تفوز لحثالة ….
