نسيم الروح
الشاعر علي جدايني _ الشلف/ الجزائر
شعر شعبي جزائري
يا ريم زماني خلخلني عشقك و اداني
خلاني هايم في برك عقلي مخطوف
نخرج عيناني للوردة رافد غيواني
من دون العارم عيني ماراهاش اتشوف
لا با تلڨاني لا باغي تسمع للحاني
راني كالصايم وفطوري تكفيه حروف
فيهم عنواني عاشق مايغويه الفاني
يدعي للدايم ومخلي سرو فالجوف
خامد بركاني نيرانو تطبخ دخلاني
خايف تتلايم عن طوعي تخرج مالخوف
من جوف كناني نحلف من هاذي بركاني
نزعف ونخاصم ونعود لعندك مكتوف
في عشر ثواني نتوحشها نور عياني
نرتب لحكايم ونعلي للصبر صفوف
حبك رشاني عشت على عشقك براني
ماشاف العالم ماعاش لغيرك ملهوف
