العاصمة

✍️ سمير الشحيمي :

تدخل رحمة قاعة الإجتماعات والكل حاضر وبثواني بسيطة دخل خلفها صقر فقال : صباح الخير جميعاً.
الجميع يرد عليه وقالت رحمه : متأخر مره ثانيه الأخ صقر؟
صقر : لا مب متأخر توك أنتي دخلتي ودخلت من بعدك.
رحمه : حتى ولو وقت أكون متواجده بالقاعه الجميع يكونوا حاضرين ومحد يدخل من بعدي.
صقر : عاد هاي مدرسة مب دورة تدريبية.
رحمة : النظام واحترام المواعيد أهم شي تفضل أجلس الأخ صقر وحاول ما تتأخر.
صقر يدخل ويجلس وهو غاضب.
تبدء رحمة الحديث.

منزل صقر
سلمى جالسه تشرب شاي وتشاهد التلفاز والخدامه سيام تشتغل بالمطبخ وأتت سيام لسلمى وقالت لها : مدام الملابس هاي كلها ولا في بعد غيرهن؟
سلمى : لا بس هاي الملابس، وبعدين سيام غسيل الملابس مب كل يوم بعد يومين مره.
سيام : اوك مدام.
تذهب سيام لإنهاء عملها.
سلمى: حلات الراحه وعندك خدامه اللحين الوحده تعرف تجلس مع نفسها.
ناظرت الساعه وتابعت الحديث مع نفسها: بعد ساعه بقوم أجهز الغدا لأن غايته أجيب الصغاريه جراح وعنقاء من مدارسهم.

الكلية
باشق جالس بالكافيه مع صديقه محمد وبطاولة المقابله لهم كانت هناك فتاتين احداهن جيهان ولي كانت تتبادل النظرات مع باشق وقال محمد : أحس نفسي جالس بدرس عن لغة العيون بسك أنت وياها.
باشق : أكرمني بسكوتك شو فهمك بالحب.
محمد : إذا الحب بيخليني أعمى ماريده.
باشق : أساساً الحب مايعترف فيك خلك ساكت بس.
بالطاوله المقابله جيهان وصديقتها سلوى قالت لها : جيهان شربي قهوتك بتبرد.
جيهان تتناول فنجان القهوة وتقول : القهوة حلوه مع هالجو الحلو.
سلوى : باين على الجو الرومنسي.
جيهان : تصدقي كل مره أشوف باشق اتعلق فيه أكثر ماعرف شو اللي يجذبني له.
سلوى : هذا شعور الحب بس خفو على نفسكم شوي محد بالكليه مايعرف أنكم معجبين ببعض.
جيهان : ماعلي منهم دام ما انسوي شي غلط.
سلوى : وشو نهاية الحب هذا بس أبا أعرف.
جيهان تبتسم : أكيد زواج.
باشق يمسك تلفونه ويرسل مسج وات ساب لجيهان كتب فيه ( غايته محاضرتنا راح تبدء بعد شوي)
جيهان تمسك تلفونها وترد ( أيوه قوم نسير)
باشق( تمام بس خليكم ورانا تمشون)
جيهان ( من عيوني وراح أجلس وراك بالقاعه)
باشق ( ياعمري والله)
تحرك الجميع من الكافيه.

حديقة الكلية بالمظلات تجلس شيهانه مع صديقتها نادره وقالت لها : نادره تبي شي من الفساتين اللي عرضتهن بحسابي بلاستغرام؟
نادره : أيوه شفتهن وحبيتهن من وين جايبتنهن؟
شيهانه : من حساب وحده تاجره تعرض فساتين جميله جداً واتفقت معاها أسوق لها بمقابل أحصل فايدتي ووافقت.
نادره : حلو بصراحه أنا عيل بختارلي فستان حق حفلة بنت خالتي بعد أسبوعين.
شيهانه : تمام وراح اضبطك بالسعر لا تحاتي.
نادره : ماتقصري حبيبتي.
وأتت فجأه شيخه ومعها إحدى الفتيات ووقفت مقابل شيهانه وقالت : هلا شيهانه أخبارك؟
شيهانه : الحمدلله بخير أنتي كيفك؟
شيخه : أنا بخير لله الحمد شفت بحسابك بلإستغرام فساتين حلوات تعرفي وين أقدر أحصلهن؟
نادره : شيهانه أتاجر فيهن وأنا حجزت من معها.
شيخه : صدق اتاجري فيهن؟
شيهانه : أيوه صحيح أنا أتاجر فيهن.
شيخه :حابه أحجز كم فستان عندي مناسبه.
شيهانه : تمام أي شي يعجبك خبريني وبوفره لك.
شيخه : تمام براسلك بعدين.
شيهانه : تمام.
غادرت شيخه وقالت نادره: استويتي تاجره رسمي.
ضحكت شيهانه.

الكلية بمكتب عميد الكلية
يخرج شاهين من مكتب عميد الكلية وصديقه منير ينتظره وقال له : ها بشر شو صار؟
شاهين : ولا شي بس كلمني إن المس ميرفت مشتكيه معاه بخصوص تأخيري المستمر بحضور محاضراتها.
منير : خبرتك هاي الدكتوره حاطتنك براسها.
شاهين : مع نفسها ماهمني.
منير : شو قالك العميد؟
شاهين : الأمور طيبه بس قالي حاول إنك تلتزم ومن هالكلام.
منير : تمام زين احسن من انذار كتابي.
شاهين : قوم انسير الكافتيريا أحس نفسي جوعان.

العاصمة
يخرج صقر من المؤسسة بعد إنتهاء الدورة ويركب سيارته بتجاه الفندق يرن هاتفه الجوال يرد على المكالمه كان مديره بفرع البريمي: شحالك صقر عساك بخير؟
صقر : بخير طاب حالك أستاذي.
المدير : متصل عليك بخصوص الدورة التدريبية الاستاذه رحمه عندها ملاحظات عليك تقول إنك تتأخر بالحضور.
صقر : والله أستاذي الفاضل الأستاذه رحمه من أول يوم شكلها ماطايقتني وأحضر دوم دورات تدريبية لكن ما واجهت نفس هاي الأمور.
المدير محمد : أدري فيك وقلت حقها إنك موظف ملتزم واريدك بس تنضبط هاليومين وتخلص وترجع لنا تمام أستاذ صقر؟
صقر : أن شاء الله أبشر.
المدير: مع السلامه.
يغلق الخط
صقر يتحدث مع نفسه : بعدها راحت تتشكى ماعليه نتفاهم، يتصل على رقم رحمه ترد : الو حبي.
صقر : رحتي تكلمي مديري ليش؟
رحمه تضحك : بس عشان جو الدراما لا تعصب خذها بروح رياضيه.
صقر : ماعليه نتفاهم بالشقه اترياك.
رحمه : من عيوني يا حبيبي.
صقر يغلق الخط.

يتبع…