سامحيني…..

بقلم الكاتبة /
دكتورة لبني يونس
سامحيني
ماشي مسمحاك
بس بشروط ……

رجعلي قلبي اللي اتقهر
ورجعلي ضهري اللي اتقطم
ورجعلي خاطري اللي اتكسر

رجعلي ليالي سهرتها بدموع عنيا
و بقول لروحي عملت ليه كده فيا

رجعلي الامان اللي فقدته
رجعلي حلم دمرته
رجعلي الأمل اللي عشانك ياما عشته

رجعلي ظني فيك زي ما كان زمان
انك الحب والحماية والحنان

رجعلي حياتي زي ماكانت قبل منك
رجعلي طيبتي وسذاجتي وثقتي
فيك من تاني
رجعلي ضحكتي تخرج من قلبي تاني
تنور حياتي …

رجعني تاني عن عيوبك عميا
رجعني تاني الست اللي صابرة
ولهفواتك بعديها وكمان راضية

رجعني تاني لنفس توبي
رجعني تاني لنفس شكلي ونفس ملامحي

رجعني تاني لنفس روحي
وامحي كل وجعي وجروحي

من الأخر
رجعني لنفسي من تاني
رجع زمانك وزماني
اصلي بصراحة بقيت
انسان تااااااني