حديث من نوع متفرد بل الأحرى راقي

 

الملحن النابغة عصام اسماعيل
مع الكاتبة دكتورة لبني يونس

1/ تعريفك للسعاده.؟
حب الناس
2/ شعارك ايه في الحياة ؟
لا أتدخل فيما لا يعنيني
3/ مين اقرب الناس ليك ؟
صديق بحبه اسمه محمد بترول
4/ اكتر شي مخيف بنسبة ليك ايه هو ؟
اكتر شئ مخيف بالنسبالى انى احس فى يوم من الايام انى مش راضى الرضا فى الرضا

5/ الصفه اللي مش بتحبها في نفسك.؟
الثقه المفرطه فى كل الناس
6/الصفه اللي بتكرها في الاخرين .؟
النفاق
5/ نفسك تغير اي في الفن.؟
نفسى اغير فى الفن
الكلام اللى نسمعه مانتكسفش واحنا جمب اولادنا واحنا بنسمعه
يعنى الارتقاء بمستوى الكلمه والثقافه لتعليم جيل طالع يبقى مثقف

6/ شايف ايه اكبر إنجاز حققته .؟
اكبر إنجاز حققته
للاسف لسه مش شايف

7/ لو في حد ممكن تعتذر له هايكون مين.؟
الشخص اللى ممكن اعتزرله
هوه الشخص اللى زعلته من غير قصد وماقلش أنه زعلان

8/ اللحن اللي كان نقطة تحول في حياتك الفنية ؟
اللحن اللى كان نقطه تحول
الحب الحقيقى للفنان محمد فؤاد

9/ مستحيل انساك تقولها لمين .؟
والدي الله يرحمه
10/ لحن ندمنت عليه انك عملته ؟
اللحن اللى ندمت عليه
اغنيه اسمها بح للفنانه التونسيه نجلا

11/ شخص اتعاملت معاه وندمت.؟
الفنان على حميده
12/ عندك موهبه غير التلحين..؟
عندى موهبه التمثيل وبالفعل عملت بطولات ومثلت بعض الشيء
13/ بتعتبر نفسك انسان مغامر.؟
مغامر لانى بحب المغامره و التجربه والمفاجات جدا
14/ بتثق في الناس بسهولة.؟
اكتر شئ اذانى انى بثق فى الناس وبحبها من اول لقاء
15/ مين اقرب صديق مقرب لعصام؟
اقرب صديق ليا موزع موسيقى اسمه اسلام شيتوس

16/ مطرب نفسك تلحن ليه.؟
مطرب نفسى الحن له طبعا ام كلثوم من الزمن الماضي وحاليا عمرو دياب

17/ لو ماكنتش ملحن كان نفسك تبقي ايه.؟
لو ماكنتش ملحن كنت احب ابقى لاعب كره قدم لانى كنت شاطر فيها جدا
18/ لحظه مش ممكن تنساها.؟
لحظه لما شوفت بنتى نغم اول ماتولدت
19/ حيوان بتحبه وكان نفسك تربيه في البيت.؟
لا احب الحيوانات ولكن احب العصافير جدا
20/ لو في أله للزمن تحب تعيش في أي زمن ؟ وليه ؟
لو فى اله الزمن كان نفسى اعيش فى عصر الصحابه وابقى واحد منهم يارب وأشوف سيدنا النبى عليه الصلاة والسلام

21/ اكتر شخص ترك اثر في حياتك سواء سلبي او ايجابي وليه ؟
اكتر شخص ترك اثر فيا والغريبه أنه سلبى وإيجابي مع بعض والدى الله يرحمه فى أول حياتى كان مهاجمنى جدا وسبب نفسيه سيئه جدا ليا وبعد كده لما فرح بنجاح ودعالى كان سبب فى انى اموت نفسى فى الشغل علشان افرحه

22/ اكتر رياضة بتحبها؟ والنادي اللي بتشجعه ؟
اكتر رياضه بحبها كره القدم وأشجع الأهلى بجنون وتعصب وعامل معظم اغانى قناه الأهلى
23/ اكتر فنان بتحب تسمع صوته ومش بتمل من سماعه ؟
اكتر فنان بحب اسمعه شيرين وبهاء سلطان
24/ فنان لحنت له ونفسك تتعامل معاه تاني في عمل فني ؟

فنان تعاملت معاه وكانت اول اغنيه له فى حياته بهاء سلطان وكانت اغنيه احلف وبعد كده عملت اغنيه قاللى قلبى لك ونفسى اعمل حاجه تانى لانى بحب صوته وبالنسبالى احسن صوت فى الوطن العربى

25/ مين من الملحنين ساعة ما تسمع الحانه بتقول الله وممكن تصقفله ؟
الملحنين اللى بحبهم قديما طبعا بليغ حمدي وحاليا عزيز الشافعي
26/ اقرب لحن قريب لقلبك ؟
قالي ..لبهاء سلطان
27/ ايه اكتر لحن تعبت فيه ؟
رجعت شريط حياتي لمحمد فؤاد وفضلت الحن فيه سنتين
28 / عملت كام لحن تقريبا ؟
عملت اكتر من الف لحن

29/ نفسك توصل بالمزيكا لفين ؟
هقولك نفسى اعمل لحن يبقى عالمى كل العالم يغنيه
30/ ايه اول لحن فى حياتك عملته ؟
صدقت ان انا على حق محمد فؤاد

ختاما ……
حاسس انك حققت اللى انت عايزه ؟
هقولك طالما فى مطربين ماشتغلتش معاهم يبقى لسه فاضل كتير على حلمى