واش تغير
الشاعر رشيدة مو الجيلالي قاتر / الجزائر
زعمة واش تغير وانتو زعامة
عند لي تصور في غفوة نوم
مربي في جبحي ياسر نمامة
ماتصفى عسلي وارجع مسموم
حوجي كيف ولت السلطانة هامة
والارجع سيدهم سلطاني بوم
وانا في شغالي نغصب تمتامة
ياك البسمةماتطول تبقى لليوم
وين كانت فالعلالي تتربص هامة
وين كان راجلهافالعلالي محسوب البوم
سايرة في طوعه مانشبه لنعامة
طايرة في برجه مامطلي بحموم
صاينة للفلاحة منهم ضلاما
صاينة عثرات الساخفين واللي محموم
كان داري حبري يرجع احمامة
طايرة بمرسوم منى مدعوم
واش قولك فيا قول الهامة
قالوا قاهرة عاداها لا ترضى مضيوم
واش داروا صفا عليهم بتهامة
وربيعي فالمراح سارح ملموم
ما يغلبكم غير بقول العلاما
ما ينهي غير بالكلام المفهوم
حوجي اليوم سوطوني بحزامة
من كلى ملحى ولسانه ملغوم
فالبريمة لرياح تجري بمهامة
واليوم الجايح غدوة يولي موسوم
والعباد تقلفط فالمقابر يوم القيامة
والمنابر للكافرين تولي بالدوم
نبقى شيوخي نعرفهم قامة
والعزارى جاهليني ماعليهم لوم
شعري من فطامه منعوت بشامة
في كتاب واحد باقي مرقوم
كتخوظ بحري لعيطة هجامة
ولاصفى في نهار مغيم معلوم
نبقى في سمايا. كفرق حمامة
طايرة في جواري قمر ى قمقوم
للحكايم فاهم…فيها يتسامى
للنقار…مسلح يبارز قوم
وانا عزيزة وسط ناسي فوهاما
وانا اللي أخبرني يبقى مصدوم
في لبراج العالية فيها نتحامى
ويله من عادى فيها مضيوم
هدا كتابي ليهم منقوش ختامة
وإنا في شواري درت الملزوم
