امي مستبدة … وابي ديكتاتور …

✍️ دكتورة لبني يونس :

امي مستبدة وابي ديكتاتور لا يواكب العصر
امي مستبدة طول الوقت تعليمات وأوامر رغم حنيتها لكن كانت بالنسبه لي متناقضة … صلي . نضفي اوضتك .رتبي دولابك .شيلي جزمتك في مكانها .ماترميش حاجه علي الارض . ذاكري . بلاش تربي ضوافرك
. ركزي في دروسك . بلاش اكل الشارع .بلاش دليفري وتيك اواي صحتك ده مش صح .ده غلط .ده ينفع .وده ماينفعش .فستانك ده ضيق مش هايتلبس .لبسك ده ماينفعش تروحي بيه الجامعه .بنطلونك ضيق بلوزتك لازم تكون طويله بلاش مكياج انتي مش رايحه تتجوزي ..اهتمي ببشرتك وما تقصيش شعرك انتي بنت مش ولد . ساعديني في البيت
طول ما انا بره البيت هي متبعاني علي الموبيل ويومي اسود لو ما ردتش أو موبيلي فصل شحن .. مع كل حبي ليها كنت دائما مخنؤؤؤه منها وكنت ساعات اكون قاصدة اكسر تعليماتها واخالف أوامرها للعند فقط

ابي
رغم أنه عمره ما رفض لي طلب هو يقدر يعمله لكن ديكتاتور
بلاش تأخير في الجامعه مواعيد محاضراتك ايه وكام محاضره عندك النهاردة . صديقتك دي بلاش مش شبهنا . مفيش خروج مع صديقاتك غير اللي نعرفهم مفيش تأخير بره البيت للساعه تسعه ولا اقولك خدي اخوكي معاكي يخلي باله منك . اللبس اللي ماما تقول عليه بس اللي تلبسيه …النتيجة اخر السنه لو مش بتقدير مش هاخليكي تكملي وتقعدي في البيت واجوزك …بترغي مع مين كل ده .بلاش الضحكة دي عيب وصوتك العالي ده وطيه مفيش بنت صوتها عالي محترمه ….
الي أن
ماتت امي وبعدها بأشهر قليلة ابي دون أي سابق إنذار حزنا عليها وتركوني انا اكبر اخوتي ….
يتبع