كلام الحيطان

✍️ سوزان الهواري :

جربت مرة إنك تكلم الحيطان؟؟؟؟
جربتها. !!!!
أيه الغريب.؟؟؟؟
مفيش غريب
بس العجيب.!!!!
إن أنت تسمع ردها
وتحكي لها وتحكي لك
وتشكى لها وتشكى لك
ولما تخرج مرة برة
تشتاق لها وتشتاق إليك
وتحس بيها
وهي تحس بيك
وتصير ما بينكم قصة حلوة
تعيش زمان
وتحكي ليها ذكرياتك
وإل كان
وتلاقيها في كل ناحية
في المكان
الوحدة صعبة. مفيش كلام
بس أصعب منها إنك
تنسي أيه معني الكلام
ولما تبقي في شدة إنك
متلقيش غير الحيطان