ليلة
الشاعر أحمد تارب _ الشلف / الجزائر
ليلة ماهي كالليالي ياليلي
ليلة طاح ظلامها والليل طوال
نتفكر مافات يادمعة سيلي
ليلة جازو عوامها باقي فالبال
واشمها فالقلب ياسامع قولي
ماتتمحى زايدة للعقل هبال
منها صرت ضرير وقوات علالي
ليلة شفت خيالها من دون خيال
ليلة فيها نسيت ناسي ورجالي
وضحيت أنا كي لغارق في لوحال
ظنيتو سهم الشقا ذا ياويلي
ليلة برد حسومها والجهد قلال
ليلة وانا وحيد متهول حالي
متعنق حيطانها مابان الحال
شمسي وتمسات طاحت في ظلي
ذالليلة بسرارها والحمل ثقال
ريڨي ناشف غير ما شارب عقلي
سجن بلا حراس لامن حل اقفال
لاهربة بنيانها صورو عالي
غير الصبر ونيس وين حضر تسهال
درتو عوض خليل مديتو حبلي
لوما صبري ماتلا يهدالي بال
حتمتو ذالكاس بالمر حلالي
وتخبل غزل المحاين زاد خبال
كذا من ممحون عداها قبلي
ويعذرو ذالحال من هما عقال
