عـــــاجل
من رحم الألم
الشاعر الجزائري يوسف كرعي
جبال عمور ولاية افلو / الجزائر
واش تعرس يا بن أما
رانا مهروسين تهراس
باعونا وعاطو كلمة
وقطعوا فينا الانفاس
اعدانا كبرو الحزمة.
بزيف وطلعو لقنطاس
وعربربة قاعدين ثمة
في كوخ زريبة وعساس
جامعة في شأن همة
تحوي في جوفها رخاس
وين تصد تجيك لكمة
حاميها باغي فلاس
عميل ومبيوع ذمة
لسيادو طاطا راس
شبعان وشاتي التخمة
وسيادوا دايرة عراس
على غزة داروا لمة
وعْرٓيْبَة عاشقة لجاس
في عظاها شاعلة لحمة
والدم برودة اقلاص
وين لنخوة يا بن اما
اوخذي مبغاش تراس
ملياونص عاد لقمة
وتلمو جلدة وكاس
غزة تصرخ يا بن ما
وحنايا هانيين لباس
غمونا صهيون غمة
داروا من خُدام رياس
عُلامة على الحق بكمة
مشريين بلا خْلاَصْ
على صوت لحق صمة
يفتواش قال عباس
زنداقة يبقوا الطغمة
ولي هدر مصاب ناس
المطبعين طلاو برمة
وحنا و خلونا الكسكاس
لكن هيهات يا بن اما
شرفنا محال يتقاس
بديسي ونبقي لحرمة
حقي نديه برصاص
واش بقالك يابن أما
كي لأقصى داسوه لنجاس
يوسف مقواه يا يالفمة
كرعي ماهوش لباس
على لأقل تكون حشمة
فضحتونا ڨبال لجناس
ولا جاتني بحال وهمة
وعروبتنا بخير لباس
واش بقى لينا الهمة
وحنايا ڨاطعين لياس
كي ضيعنا مجد أمة
واش بقى لينا عراس
