ياظبي الشوبك نيالي
✍ سميح الغنميين أبو العشاير :
بسم الله الاول والاخر
علام الباطن والظاهر .
بسم الله الاول…..والاخر
علام الباطن …..والظاهر
لعيونك يا بعد…… عيوني
ابيات من الشعر ..الفاخر
ياضبي الشوبك….. نيالي
من غيرك ساكن في بالي
فدوالك عمري ..وسنيني
ماغير وجودك…. يحلالي
من زينة مرباك ….الطيب
حطيتك في القلب..حبيب
اي والله يومني…. شفتك
خليتك من عيني.. قريب
من لامك وابوك….سنافي
لاوقف في موقف وافي
يعرفه القاصي.. والداني
والطيبٌّ ماعنه…. خافي
رجال ن لامنك .. جيته
في عشر ارجالن .عديته
للهيبه ناسن……… نعرفها
والطيب معروف بصيته
يومني شفتك ….بالحفله
والناس تغني …..محتفله
صادتني نظرات…. عيونك
ياويلي في لحظة…. غفله
اول ما شفتك…… بعيوني
تغير شكلي ………ولوني
من غيرك جنني ..وجوده
ثلثين العالم ……شافوني
وداني حبك………. وداني
خلاني في عالم…… ثاني
الناس تغني…….. محتفله
وانا من دونك… وحداني
ياضبي الشوبك. فدوالك
ثلثين العالم …..كرمالك
ماغير وجودك ….يحالي
وكنوز الدنيا……. تحلالك
واختم ابياتي….. بالتالي
في ذكر الخلاق …الوالي
يغفرلي ذنوبي ويرحمني
ويخلي الغالي……. حلالي
