سعيدة
الشاعر جمال جلالي _ الأغواط _ الجزائر
يــا سميــر ادي سلامـــي لسعيدة
ڨوللها مشتاق يا مدينة الفرسان
حبك ساكن في ضلوعي و الكبدة
نبــات نهاتي كي العاشـق الولهان
واش يطفــي جمرتــي ليهــا نغدا
هــا ڨولي بالله يــا مدينة العڨبان
متوحش رفاڨتي توحشت الڨعدة
نتفكــر مــا كان يـامـا كــان و كان
متوحش وجوه و الطريق بعيدة
من المجدوب و روح للقرية نشان
الحاج الخيوان عبـدقـا و حميدا
و الناصــر طبيبنــا يـــدواي لحزان
بن عودة ف النصر نهديه و ريدا
و سامحني يالي نسيتك في الغيوان
هــــود بيــا روح لا وحـــدة وحدة
لزيتــون طريقنــا و طريـق الميزان
لاماريـن حبـــــاب لبوديـة جحدا
في مجاجي ندير قهوة يا لخوان
مــا يكفيـني يــوم لا ليلــة وحدة
لو عند دروبها ما يكفي ديوان
سلامي ليكم كل يا ناس سعيدة
معروفين خصالكــم همة وشان
جـــلالي جمــــال كاتـــب لقصيدة
طالب ربي (نشاله) يبلغنا رمضان
