أرمي مخك

✍ لبنى يونس : 

ارمي مخك …
نصيحة منى ..
ارمى مخك جنب باب الشقة وماتفكرش كتير ده عشان مصلحتك ..
اتعملت دراسة عشان تربط التفكير الكتير بالعمر الطويل.
————
✅ الناس فى الدراسة درسوا كمية البروتين فى مخ المعمرين فوق 100 سنة والناس التانية اللى توفوا وأعمارهم 60 أو 70 سنة.
✅ الدراسة قالت أن الناس اللى رامية مخها جنب باب الشقةً ومش بيفكروا كتير بيكون كمية البروتين فى مخهم أكثر من الناس اللى بيفكروا كتير ومخهم مش بيبطل تفكير.
واستخلصوا أن التفكير الكتير المستمر بينقص العمر.
✅ وأكدوا كمان أن تمارين الاسترخاء Meditation بتريح المخ وبتعمل له reset يعنى يريح عشان يستعيد نشاطه وبتطول فى العمر.
————
🚩 إيه تمارين الاسترخاء أو الـ Meditation اللى نعملها؟
✅ اليوجا أو بديل اليوجا فى مصر (أنك تقعد فى البلكونة بتشرب الشاى وتتفرج على الناس وتضحك)
✅ أو أنك تنقطع تماما من اللى حواليك وتركز فى صلاتك أوعبادتك.
كل دى تمارين بتخلى المخ يسترخى وبتقلل التوتر جداً وبتطول العمر.
———–