يانبض :

✍حسن القحل:

أكذب عليك واتظاهر اني ما ابيك
وتأخذني افكاري وقلبي صوب بيبانك

كل الطرق يا نبض تاخذني اليك
حتى الطريق اللي سلكتة لجل نسيانك

من غبت عني عيني وعقلي ما نسيك
يطري علي طيفك غصب واعانق امزانك

في كل لحظة وانت غايب التقيك
وعن قلبي وروحي أبد ما غاب هتانك

قلبي مسلم لك وروحي بين إيديك
وأنا الأسير اللي سجينٍ خلف قضبانك

يا كيف ترخصني وكلي مشتريك
قلبي ونبضي وكل عمري على شانك