اكتبي ياا حروفي …
منى بابوري _ تونس
حتى الحروف
بتتعب زينا و اكتر
مليانة خوف
بس مش بتظهر
عاملة قوية
و عنادية
و عنادها مش هيفوق
عنادي
لما اختار و لا اقرر
بيبقى كم الكلام جواي
و حجم الوجع
عاملي الف حكاية
اهدي يا حروفي
متبقيش انت و الزمن علي
خليني افضفض و ابوح
يمكن اقدر اكن شوي
طيب هسكت
و اكتبي انت كل حاجة
حسيتيها و شفتيها
و اتوجعتي زي بيها
اكتبي قصة جميلة
في ليلة مطر طويلة
قصة هروب من جرح
لجراح
من حضن شوك
لبيت بلا سقف
مليان مطر و رعد
و رياح
اكتبي انت حببتي
على حاجة حلوة في
هو صدقي و لا طبتي
على احلى ضحكة لي
و لا عيون تعبت زي مانت
تعبتي
اكتبي و متخافيش
مش هيذاكروا الكلام
هتاخذهم الصورة
و يدوروا على مفيش
مش هاممهم ازاي نحس
و لا حتى ازاي نعيش
مش هاممهم حتى ان كان
في نفس لسى
و بالأغاني و الأماني
لسى حاسة
و لا تاه مني حسي
في حتى ظالمة
فيها ناس تايهة
و هايصة
اكتبي كل الحاجات
و حاولي تكتبي عن الامل
هو دا الشيء الي فاضلي
و الي حسيته جواي اتقتل
