مثل جدة ما تلاقي

✍ حسن بن قاسم قحل :

مثل جدة ما تلاقي
تحوي أنسام وشذى

تحوي فن وذوق راقي
خالده عبر المدى

الأزقة والحوري
تبرز الحسن الفريد

والمباني والسواري
تحكي عن ماضي تليد

وأشهر الحارات فيها
حارة الشام ول يمن

والبلد ويا الرويس
والبحر أرقى سكن

وحارة المظلوم تشكي
مظلمة طول الزمن

وكل درب وكل سكه
وكل طريق وكل باب

فيها ذكرى للأحبة
تهمس بنغمة عتاب

باب مكة والمدينة
والبنط ويا الشريف

والمغاربه والباب الجديد
رحبت في كل ضيف

وأشهر الأسواق كانت
حافلة ولها صدى

تحوي أنسامٍ عليله
وصوت جلاب ونِدى

سوق قابل والبدو
والعلوي ويا الندى

عطرها يبري النفوس
ويسلي الوجه العبوس

جدة هي نبض الفؤاد
جدة هي أحلى بلاد

جدة تاريخ وحضارة
تحكي عن فن وعمارة

تشهد أطلالٍ قديمة
بكل درب وكل حارة

والرواشين الجميلة
والمساجد والمنارة

ودار جمجوم ونصيف
وباعشن والشيخ قابل

عانقت كل العصور
وفاحت بأحلى العطور

لو تطوف الدنيا كلها
والمداين والعوالم

مثلها ما راح تلقى
بالشواهد والمعالم

أهلها أهل الرجاحة
والمحبة والسماحة

جدة هي دار الحبايب
وأحلى أنسام وهبايب

قالها صالح عطية
بلبل الحارة الطروب

جدة انفاسي وروحي
وعن هواها ما أتوب

آسره عقلي وقلبي
وفالعروسه كم أذوب

وف غيابي وف بعادي
روحي تجذبني إليها

ومهما عن جدة أغيب
غصب عن عيني اجيها

كل لحظة افتكرها
وافتكر نسمة عطرها

وشوقي يدفعني لسحرها
ولشواطيها وبحرها

وشمسها طلة قمرها