طال الغياب
✍🏻/ علي الخبراني :-
قالت غيابك طال من دون تبرير
والناس تسأل عن سبايب غيابك
معقول شاعر يترك الطير ويطير
أو طار من هجر العنيدة صوابك
ارجع لجمهورك وشارك مع الغير
لا تحـرم المشـتاق قِصَّـةْ عذابك
واصل رواية عشقنا دون تفسير
ممنوع تفشي سرَّنا في خطابك
أدري وُعُودك ما تبي زود تحذير
يشهد رُضابي يوم خالط شرابك
القصد من باب المحبة وتذكير
إثقـل إذا حاورت مـن دق بابك
غازل فؤادي والمشاعر بتشفير
ما يكتشفها مـن يتابع حسابك
وختامها تمسي حبيبي على خير
من بعد إحساسك وصلني جوابك
