شعور القصيدة

✍🏻/ علي الخبراني:- 

أكتب شعورك في غيابي قصيدة
تشرح بها خوفك أواصل غيابـي

اعـرف بتكتبنـي بشـعرك عنيدة
وتقول ما غيرك سبب في عذابي

وادري متى شوقك غيابـي يزيده
وتصير مثل الطفل فاقد جنابـي

أشـتقت لـك والشوق زايد وقيده
وارسلت لك قلبين كانت جوابـي

قلبـي وقلبك فـي علاقة جديدة
من أجـلـهـا أعطيك مفتاح بابـي

ما دام همك كـيف قلبـي تصيدة
أبشـر وارمي في حضـورك حجابي

بس أنت عاهدنـي أكون الوحيدة
قصـري بقلبك والمباسـم شـرابـي

بـعـد العَشَـرْ لك عنـدنـا مـا تريـده
ويكون لك صدري وتلمس خضابي

جـاوبتها صــارت حـروفك قصـيدة
مضـمونها يا ليت يمطر سـحابـي

أرسـل بها بعد الفجر فـي الجريدة
عنـوانـها أمـرك وحـكـمـك ثـوابـي