زايد على كل العرب بالوفى زاد

أحمد المقبالي – الإمارات :-

هذه القصيدة قالها /بندر بن سرور (شاعر سعودي) من قبيلة عتيبة في سمو الشيخ / زايد بن سلطان آل نهيان يرحمه الله .. والذي كان يقصده الشاعر كل مادارت عليه نائبه من نوائب هذا الزمان وكان سمو الشيخ زايد يهون عليه كل مصاعبه ويعطيه كل ماطلبه..يقول بندر في مدح الشيخ/ زايد -والذي أجزل بندر في مدحه ولا شك أن الشيخ زايد جدير بهذا المديح:(زايد على كل العرب بالوفاء زاد) ..

بديت ذكر اللي بسط سبع بوتاد
واللي رفع سبع بليا عمدها
والكار للي صار غيث للأجواد
لاقبلها صارت ولا من بعدها
زايد على كل العرب بالوفاء زاد
ساق المراجل لين وقف عددها
حلحيل حلو مر زراع حصاد
كبد يداويها وكبد لهدها
ولي عجوز من ورى شط بغداد
سمت على شيب الفلاحي ولدها
تبغاه يطلع مثل زايد ولا فاد
ماكل من هاز الطويله صعدها
ياشيخ انا جيتك على غير ميعاد
من خوف روحي لايجيها وعدها