كسر العناد
✍🏻/ علي الخبراني
قالت تأكـد قبل تحضن وسـادك
واحذر تنادي زهرتك فـي شرودك
ممنوع لو تسألك من هِيْ وِدادَك
تنطق لها إسمـي وتنسى وعودك
ادري أنا عِشْقَك وغـايـة مُـرادَك
وادري وجودي يبعدك عن ورودك
واعرف جنون الشوق يكسر عنادك
والقلب لـو تزعل لصـدري يقودك
يمكن أنا أعظم سبب في سُهادك
او ما وصل غيري لاقصىٰ حدودك
لڪن عيونك تشـتري مـن مزادك
ولسانك الحالـي وشِعْرَك جنودك
تڪتب إلى ليلى وتقصـد سُعادَك
والثابتة دَعْـوَةْ هَيَا فـي سـجودك
عندي خبـر مڪة ومُـهْرةْ جـوادك
عندي علومك لـو تـزايَـد جحودك
أدري رشـــا تسـعى تِـقَـدِّم مَعادك
والخِشف تجعل شِفْتَها في وجودك
هذا حسن في غرفة الفحص صادك
وعـيـونـهـا ســاعـة تراقب عمـودك
قصـدي رنـا والضِّـرْس للزيْـن قادك
تلمس أناملها وتمســح جُـعُـودك
