عيد سعيد🌹
شعر – حسن بن قاسم القحل
ياسعد من في العيد عايد حبيبه
والله يصبر شخص عيد بلا أحباب
كلٍ في هالدنيا بياخذ نصيبه
ولا انصك بابٍ يفتح الله ١٠٠ باب
نشوف في الدنيا أمور عجيبه
فيها يحار أهل الفهامه والألباب
حال السعد فيها ووقع المصيبه
تخلي العاقل يشكك ويرتاب
هذا بمولودٍ يهني قريبه
وهذا يعزى في فقيدٍ رحل غاب
وحكم القدر نافذ وماشي بطريقه
ما يمنعه عنا محاذير وابواب
وكل شي صعبٍ قادر الله يجيبه
ما خاب رآجٍ له وسآئل وطلاب
