قصيدة “يا سكة الأقصى” للشاعر هشام الجوهرى

يا سكة الأقصى
يا ملغمة بالجُبن
مفناش خبير ألغام
ولا حتى ف الأحلام
خبرتنا بس كلام
وسباحه فى الأوهام
يا مسجد المَسرَى
قلوبنا فيك أسرى
مين هيحررك منا
وإحنا اللى أسرينك
إحنا اللى كاسرينك
ومتوهين ملتك
ومشوهين دينك
ياسكة الأقصى
قولى لأهل اللغة
ليه كلكم مفعول
مفكوش ولا فاعل
ولا حد يتفاعل
ليه كلكم مجرور
وانتم حروف الجر
ليه دمكم بارد
مفهش ريحة الحر