الغالية
الشاعرة نسرين حورية آل زراقني _ الجزائر
(شعر شعبي جزائري)
الغالية عزك في قلبي ساكن
لميمه بحنانتك عليا ما تحافي
حديثك يونس القلوب وينحي زعافي
بشوفتك نفرح و عليا الغمة تفاجي
نرجع من الخدمة تستنايني بالحضن الدافئ
معاها شفت العز و الحرمة
في العز مقلشتني تقلاش ماشافو واحد من ناسي
معاها نحس بالأمان مايقيسني ريح سافي
كل منطيح طيحة نلقاها واقفة في كتافي
وجودك في حياتي نعمة ربي
مثلك ما نلقى قلب صافي
من نسمه الهوى عليا تخافي
بلا بيط يا لحنينة يبردو كتافي
أم حنينة وحنانتك مخلات عليا قلب جافي
حرة مأصلة بنت أبطال ربات نسا ورجال
نت ناسك يالعارم معروفين كارمين الضيف
شيعتهم في كل مكان مذكورين
يا بنت الشيخ عبد الرحمن ساكن مهدية
سيرتك على كل لسان بنت وفيه وحربية
ما مستها يد بعيد ع شوفة ياقوت بنت شرفة
حقانية مولات الجود وجودها على ناس خيرية
خاوتها اسود ڨدار خلوقهم مسوية
ناس جاه فحولية خصايلهم معروفة
بهارة الصبحية بحرهم فايض
سعد لي حذاهم وضفى دار الميعاد
و لزومية كمل يا رب بعمارة الذرية
كنشوفك نفرح وتتفاجة عليا الغمة
واش نقول تحشم من ظل الخيال
مولات قمنة ربات جيال
خدمة الدار تضرب بيها لمثال
في عزك شربت كيسان الطيب
مالها عبار هلال مضوي مخلاتني نبان
بعد ما كان فلان وفلان عليا هدار
سقمتني حرة سيدة لحرار
نمدحها بواش شافت لبصار
بلا كذب شكرها يلزم صغار وكبار
وحشك يالميمة
ما يطفيه دمع ثمادو يالغالية
عزك في قلبي ساكن
صلاة ننجي لإله رافعة لبصار
حفظها بجاه سيدنا المختار وصحابو لبرار
نختم بحمد الجبار ونهديها للوالد و جميع حبابنا لحضار
