نزلني
✍ حسن القحل
نزلني نزلني
ما أشا معك ياخي
كنت أحسبك فهمان
كنت أحسبك قاحي
أثرك علي تلعب
وسرقت أفراحي
أنا معك مخلص
وإنته معي داحي
قلبك غدا كالقفل
من غير مفتاح
علقتني بوعود
خرجتلي صماحي
أسهرت طرف العين
وحرمتني راحي
أتعبتني يا زين
ترقد وأنا صاحي
زدت الألم فيني
ونقضت لي جراحي
ماعاد ابي قربك
ولا اشا معك باحي
نزلني ما ابغاك
من قبل وقاحي
كفاني منك غلب
ويكفي تلجاحي
قربك عذاب ونار
والصد ذباحي
خلك بعيد أحسن
تربخ ونرتاحي
