كان بكيت
الشاعر محمد نعيمي _ الجزائر
كان بكيت نبكي على سعدي
ذاك السعد اللي خفى ما بان
وكان رضيت نرضى فوق جهدي
واك الجهد للرضى عمرو كان
كان ولو كان جا السعد بيدي
لكان اللي بكيتو جاني حفيان
لا هو فوڨ مني ولا ڨدي
ولا بالعقل جاني مع النيشان
بابو في الوجه لبدا مسدي
صديق الجايح مع الساجي عديان
شبعني ورويت دمع على خدي
ومن بكايا حالي كالحال شيان
يا حصراه
ياحصراه ڨبيل كي كنت بجهدي
ركابي عودي ورفاڨتي فرسان
ويحصراه كي كنت بناري نڨدي
كنت انا اللي نتنعت بفلان
تلف حالي . والسعد جا ضدي
شوف لعيني تلڨا لحديثي برهان
ساعة نهدى سعات لنفس نهدي
ووقات نتيه نترجى في الرحمان
جهيتك بالله يا ساعة ردي
رقاصك اليوم طغى في الميزان
طلعتي من كان للحق معدي
وهبط من هو بشانو سلطان
رآه الڨلب عمر كويتيلي كبدي
وما بقى من ناري لا دخان
