ضيف نمام..

ضيف نمام..
شعر جميل غالب المري

بعض البشر ياناس ماهو من الناس
في ثغره المسموم افعى دفينه

اذا تحدث كان في الهرج هلاس
ما شي على درب النجاسه وشينه

في كفه الجساس يا خوك هماس
ملعون بين الناس والكل يهينه

والطرف الاحول بالمخاليق عساس
كن الكذب في داخل الصدر دينه

اذا تبسم قالت الناس خناس
ضحك الكذوب اللي غامز بعينه

خراص يقسم للمساكين افلاس
والزور واضح والحقيقه ثمينه

يطعن قلوب الناس والقصد اناس
والجرح دامي في القلوب الفطينه

لسانه المشؤؤم منجل مع امواس
والحقد كالجمرات تحت السكينه

يقلب حسين القول للصاحب اتعاس
ماشي على النمات فوق السفينه

كن البشر مع صاحب المال حراس
والجايع المسكين قبل جبينه

بشت المراجل فوق فستان ريماس
يقلب شفاته دووم مثل العجينه

ساخر مع البسمات وبالهرج ادناس
والسم يقطر من شفات الخزينه

شفت الاصابع فوق فنجان عباس
ترمي سهام الموت خلف الظغينه

يالله تكفينا بلا كل وسواس
راضع من الشمطاء بنت اللعينه

نافخ عليه ابليس من كير مجلاس
والكبر في قسمات وجهه يدينه

اليوم له في داخل الحي حواس
هذا على البيبان وهذا سجينه

مالك وماللناس ياشارب الكاس
تالي غرورك بين رمله وطينه